Kosovanews të mërkuren kishte raportuar për arrestimin e disenjatorit kosovar Valdrin Sahiti, i cili u kap me drogë nga policia turke duke kaluar në zonën VIP të Aeroportit të Stambollit me pasaportë diplomatike.
Pas publikimit të këtij lajmi, avokati i tij Besnik Berisha mohoi arrestimin e tij duke thënë se raportime të tilla janë të pavërteta dhe se Valdrin Sahiti kishte pasur keqkuptime për një çantë që e kishte harruar në avion dhe sipas tij, mënjëherë kishte udhëtuar për në Dubai. Të enjten në një përgjigjie për KosovaNews nga Ministrija e Punëve të Jashtme e Kosovës thanë se për këtë çështje e ende nuk kanë marrë njoftime zyrtare nga autoritetet turke dhe ambasada e Kosovës në Turqi dhe se janë në pritje të informacioneve zyrtare.
KosovaNews ka siguruar një dokument të Zyrës së Policisë Turke në Aeroportin e Stambollit i cili dëshmon se Valdrin Sahiti është arrestuar dhe ndaluar në Aeroportin e Stambollit në bazë të ligjit 95 të kodit penal të Republikës së Turqisë.
Në bazë të këtij dokumenti të datës 11 prill 2023 ku figuron edhe numri i pasaportes Diplomatike të Valdrin Sahitit të nënshkruar nga shefi i parandalimit dhe hetimit të krimeve Mustafa Gani, Valdrin Sahit është pajtuar që pas arrestimit të njoftohet Kosullata e Republikës së Kosovës në Stamboll.
Në këtë dokument me numër të rastit 47909374-95304 lidhur me Valdrin Sahitin thuhet:
“Shtetasi i huaj të dhënat e të cilit janë shkruar më poshtë, në përputhje me nenin 36 të Konventës së Vjenës për Marrëdhëniet Konsullore të vitit 1963, nenin 95 të Ligjit për Gjykatën Penale nr.5271 dhe nenin 8 të Rregullores për Arrestimin, Paraburgimin dhe Deklarimin, botuar në Gazetën Zyrtare më datë 01.06.2005 dhe me numër 25832, u informua se situata e tij do të raportohej menjëherë në Konsullatë dhe u mor kërkesa me shkrim si në vijim:
Unë kërkoi që lidhur me situatën time të njoftohet konsullata, misioni diplomatik i shtetit tim.
Në bazë të këtij dokumenti arrestimi i tij është bërë sipas nenin 95 të Ligjit për Gjykatën Penale të Republikës së Turqisë nr.5271 në pikën 2 thuhet se:
1. Kur i dyshuari ose i akuzuari arrestohet ose ndalohet kur i zgjatet afati, me urdhër të Prokurorit Publik, duhet t’i lajmërohet një të afërmi ose të një personi të caktuar.
2. Nëse është shtetas i huaj që arrestohet ose mbahet në paraburgim, përderisa nuk kundërshton me shkrim, Rasti i tij raportohet në konsullatën e shtetit shtetas i të cilit është.
