Një akt i paprecedan ka ndodhur të hënën në Komunën e Vushtrisë. Asamblistët e PDK-së dhe LDK-së kanë bashkuar votat për ta dhënë në shfrytëzim pronën prej 30 ari në qendër të qytetit. Sipas vlerësimeve të tregut kjo pronë kushton mbi 2 milinë euro ndërsa asambleja komunale ka vendosur që ta jap në shfrytëzim për 99 vite për një qera vjetore 1500 euro e që i bie vetëm 125 euro në muaj.
Në këtë hapsirë janë të vendosura dhjetëra biznese që për më shumë se 20 vite kishin kontratë me komunën për të operuar.
Gjithashtu në pronën prej 30 ari është e vendosur edhe kompania e pastrimit të mbeturinave “Uniteti” e ku tashmë Komuna e Vushtrisë ka vendosur që ti largoj të gjitha për të ja dhënë në shfrytëzimi një biznesi i cili sipas vlerësimeve të banorëve të vushtrisë është tërësisht i dyshimtë.
Sipas të dhënave në ARBK ky biznes është regjistruar vitin e kaluar me pronar Ersin Pirçe me kapital 10 mijë euro e ku ka vetëm një punëtor.
Fillimisht komuna e Vushtrisë u kishte ndërprerë kontartën pronarëve aktual duke u thënë se këtu do të zgjerohet një rrugë dhe do të krijohen hapsira gjelbëruese por më pas kishte ndodhur diçka e paparë në në historinë e pushtetit lokal.
Me procedura të fshehura dhe me një thirrje publike që kishte qëndruar në ëeb Faqen e Komunës vetëm 1 minut sa për tu fotografuar komuna këtë pronë tashmë ja ka dhënë një personi për 99 vite.
Në lokalet që aktualisht Komuna e Vushtërrisë, përfiton mijëra euro qera mujore ndodhen edhe disa studentë e veteranë të luftës që me djerësen dhe punën e tyre mbajnë familjet ata tashmë sipas vendimit të Komunës do të largohen e të lihen në rrugë.
Sipas tyre, ky vendim i Kuvendit Komunal të Vushtrrisë është jo i drejtë dhe i pa arsyëshëm, sepse për këtë vendim ata nuk janë njoftuar me kohë nga Komuna.
Një nga pronarët në kushte anonimiteti jep një dëshmi tronditëse ai thotë se ata po i largojnë disa veteranë të UÇK-së për të ja dhënë pronën milionëshe pothuajse falas një bashkëpunëtori të regjimit të Millosheviqit.
“ Bashkëpunëtorit më të afërt që e ka pasur pushteti i Serbisë, në qytet ia ka dhënë atij. Qaty janë kanë bashkëpunëtorë ma të afërt të ish-komandantit serb Vuçinës (Vuqina Janiqijeviq) “, ka thënë ai.
Sipas qytetarëve të kësajë zone thonë se kanë bërë ankesa në Komunën e Vushtrrisë, për këtë çështje, por ata asnjëherë nuk iu janë përgjigjur pozitivisht thirrjes së tyre dhe për këtë gjë qytetarët kërkojnë hetim nga organet kompetentë pasi sipas tyre të gjitha procedurat e e dhënies në shfrytëzim të kësaj publike është bërë e fshehtë, me shkelje dhe për interesa personale.
