Ad image

Marrëveshja për energjinë, Bislimi: Mund të ketë fushata dezinformimi për ta dëmtuar procesin

Kosova News
Kosova News 18:08 -13/06/2022

Zëvendëskryeministri Besnik Bislimi deklaroi sot se çdo dakordim eventual ndërmjet Kosovës dhe Serbisë mbi çështjen e energjisë, nuk do të ndryshojë përtej asaj qё tashmë është dakorduar nё Bruksel mё 2013 dhe 2015.

Në një postim në Facebook Bislimi tha se takimi mes KEDS dhe palёs serbe nё Stamboll ka pasur vetёm objektivin e ofrimit tё garancive pёr katёr shёrbimet e dakorduara mё 2015.

“Nё emёr tё Kosovёs, negocion vetёm Qeveria e Republikёs sё Kosovёs. Takimi mes KEDS dhe palёs serbe, i organizuar nё Stamboll më 9 qershor, ka pasur vetёm objektivin e ofrimit tё garancive pёr katёr shёrbimet e dakorduara nё vitin 2015, vendosja e matёsve tё energjisё, mirёmbajtja e matёsve, faturimi dhe inkasimi, dhe kёtё obligim e ka pёrmbushur”, ka shkruar ai.

Ai gjithashtu tha se Kosova ёshtё afёr finalizimit tё dakordimit pёr nisjen e zbatimit tё udhёrrёfyesit tё energjisё, qё synon vendosjen nё binarё tё problematikёs sё furnizimit dhe pagesёs sё energjisё nё katër komunat nё veri.

Për më tepër Bislimi tha se nuk do të ketё asnjё operator shtesё pёrveç Elektrosever dhe asnjё shёrbim shtesё nё fushёn e distribucionit, pёrtej katër shёrbimeve tё dakorduara mё 2015 dhe pёrtej katër komunave nё veri.

“Ditët në vijim janë kritike për finalizimin e dakordimit për nisjen e zbatimit tё udhёrrёfyesit tё energjisё, me ç’rast mund të ketë fushata dezinformimi që qëllim kanë dëmtimin e procesit dhe mirëmbajtjen e problemit. Andaj, i ftoj të gjithë që të jemi edhe më të kujdesshëm në pranimin dhe shpërndarjen e informatave të pakonfirmuara. Për çdo zhvillim zyrtar, do t‘iu mbajmë të informuar”, ka shkruar Bislimi në Facebook.

Deklarimet e Bislimit vijnë pasi presidenti serb Aleksandar Vuçiq tha se marrëveshja për energjinë me Kosovën është drejt përfundimit.

“Shpresojmë se ka mbetur vetëm ana teknike dhe do të kemi rezultate të mira në ditët në vijim”, tha Vuçiq para pak ditësh.

KEDS ka ekskluzivitetin e shpërndarjes së energjisë elektrike në tërë territorin e Kosovës, menaxhon dhe mirëmban asetet në terren.

Në kuadër të dialogut midis Kosovës dhe Serbisë, të dyja palët kishin arritur më 2013 një marrëveshje për energjetikën, por ajo nuk është zbatuar deri më tani.

Serbët në veri nuk paguajnë për energjinë e shpenzuar dhe humbjet sipas KOSTT-it vetëm për 2021 kanë arritur shumën 40 milionë euro.

Nga 1999-2017, borxhin për veriun e kanë paguar qytetarët e Kosovës nga komunat në jug të Ibrit. Por, më 2017, një praktikë të tillë e pezulloi Gjykata e Apelit pasi u vlerësua se ishte e paligjshme. Vendimi u konfirmua edhe nga Kushtetuesja.

Faturat për energjinë e shpenzuar në veri i paguan KOSTT-i, përkatësisht Qeveria e Kosovës./kp/

Shpërndaje