Policia e Kosovës ka arrestuar tre persona në Fushë-Kosovë, të dyshuar për përfshirje në raste të vjedhjes dhe pranimit të sendeve të vjedhura.
Sipas policisë, dy nga të arrestuarit dyshohen se kanë kryer vjedhje në disa lokacione të ndryshme, ndërsa i dyshuari i tretë dyshohet se ka pranuar sendet e vjedhura.
Me vendim të prokurorit, pas intervistimit, dy të dyshuarit për kryerjen e vjedhjeve janë dërguar në mbajtje, ndërsa i dyshuari për pranimin e sendeve të vjedhura është liruar në procedurë të rregullt.
Rasti është duke u hetuar nga autoritetet kompetente.
