Një punëtor është lënduar ditën e premte në Rahovec, derisa ishte duke punuar.
Sipas, Policisë rasti ka ndodhur rreth orës 10:30.
“Viktima mashkull kosovar derisa ishte duke punuar në ndërtimtari në rrethana të panjohura është rrëzuar nga një lartësi prej rreth 2 metra dhe ka pësuar lëndime. Viktima pas tretmanit mjekësor në Spitalin Rajonal në Prizren, është dërguar në QKUK për tretman të mëtutjeshëm mjekësor dhe sipas mjekëve është jashtë rrezikut për jetë”, njofton Policia.
Njësitet policore dhe inspektori i punës kanë dalë në vendin e ngjarjes, ndërkohë që është informuar edhe prokurori lidhur me rastin.
