Këngëtarja me rrënjë nga Kosova, Dua Lipa, ka marrë çmimin e këngës më të mirë të zhanrit pop në ceremoninë “Brit Awards” të shtunën.
Ajo fitoi me “Dance the Night”, kolonë zanore të filmit “Barbie”.
Pasi mori çmimin, Lipa ka falënderuar fansat duke thënë se pa ta s’do të ishte në suksesin që shijon tash.
“E mahnitshme, faleminderit shumë! Besoj se ka më shumë se një arsye… fansat e mi janë ata pse po qëndroj sot këtu. Kështu që dua të them faleminderit për secilin prej jush që votoi për mua. Kjo do të thotë shumë. Jam shumë, shumë e lumtur që jam këtu. Ju njerëz më keni dhënë këtë besimin radikal se unë mund të bëj gjithçka, mund të provoj e të eksperimentoj…. Ju jeni aty për të mbështetur… e gjithë dashuria, optimizmi dhe mbështetja është ajo që më frymëzon, andaj faleminderit shumë”, ka thënë Lipa teksa ka falënderuar ekipin e saj për punën e bërë.
Lipa ka qenë e nominuar edhe në dy kategori të tjera, për këngën më të mirë të vitit dhe artisten më të mirë. Kënga më e mirë e vitit u zgjodh “Escapism” nga Raye, ndërsa në kategorinë e artistit më të mirë triumfoi Raye.
i have never ugly-cried harder watching @DUALIPA's win. #BRITs pic.twitter.com/I33ghCtNoB
— BRIT Awards (@BRITs) March 2, 2024
