Drejtoria e Arsimin në Prishtinë dhe ajo në Obiliq ka kërkuar nga drejtorët e shkollave që ta zbatojnë plotësim-ndryshimin e kalendarit të vitit të ri shkollor.
Përmes emailave, drejtoritë ua kanë dërguar vendimin për kalendarin shkollor.
Sipas këtij kalendari që është paraparë nga Ministria e Arsimit, tetë të shtunat e ardhshme do të mbahet mësim në shkollat në Kosovë.
Kjo do bëhet për të zëvendësuar orët e humbura për shkak të grevës së punëtorëve të arsimit.
Disa shkolla veçse kanë publikuar edhe oraret për ditët që do të zëvendësohen.
Ndërkohë, Këshilli i Prindërve të Kosovës po e kundërshton vendimin me arsyetimin se fëmijëve po u mohohet e drejta për pushim.
