Shefi i asamblistëve të Lëvizjes Vetëvendosje në Komunën e Prishtinës, Gëzim Sveçla përmes një postimi në facebook ka njoftuar se menaxherët e kontratës 12 milionëshe të Komunës së Prishtinës për “Shërbimi i Arkitektit të Kryeqytetit”, kanë dhënë dorëheqje.
Për këtë kontratë, Prokuroria Speciale ka nisur hetimet pasi që ky tender është përcjell me parregullsi dhe ankesa që nga shpallja e njoftimit për kontratën.
“Ju njoftojmë se me datë 04.06.2024, si ekip menaxhues i SHAK, kemi dhënë dorëheqje të parevokueshme nga menaxhimi i kësaj kontrate. Andaj për çdo informatë ju rekomandojmë t’i drejtoheni zyres se prokurimit për caktim të ekipit tjetër për menaxhim të kontratës apo çfarëdo informate tjetër rreth operatorit ekonomik“, thuhet ne njoftimin e publikuar nga Sveçla
Sveçla tha se arsyet e dorëheqjes duhej t’i dinte Prokuroria e Shtetit dhe kryetari i kryeqytetit Përparim Rama
“Të gjithë menaxherët e kontratës “Shërbimi i Arkitetkit të Kryeqytetit”, – kontrata 12 milionëshe e vizatimeve të bukura – kanë dhënë dorëheqje nga pozitat e tyre. Arsyet i dinë ata, i dinë edhe Përparim Rama, e do të duhej t’i dinte edhe Prokuroria e Shtetit”
