Në shënim të hapjes së fushatës 16 Ditë të aktivizmit kundër dhunës ndaj grave dhe vajzave, ndërtesa e Qeverisë së Republikës së Kosovës është ndriçuar me ngjyrë të portokalltë.
Me sloganin “Sot dhe çdo ditë tjetër!”, kjo fushatë e filluar sot, në Ditën ndërkombëtare për eliminimin e dhunës ndaj grave do të vazhdojë deri më 10 dhjetor, në Ditën e të drejtave të njeriut.
“Përkushtimi institucional e shoqëror për eliminimin e dhunës ndaj grave dhe vajzave, vazhdon çdo ditë”, thuhet në njoftimin e Qeverisë.
