Me rastin e shënimit të 11 qershorit Ditës së Çlirimit të Prishtinës, kryeqyteti për këtë vit ka organizuar një sërë aktivitetesh të ndryshme për nder të kësaj dite historike.
Aktivitetet nisin me homazhe në varrezat e dëshmorëve në kryeqytet, për të vazhduar pastaj me seancë në Kuvendin Komunal.
Në orën 12:00 do të ketë një parakalim të ushtarëve të FSK-së së bashku me fëmijët, nga Hotel Grand deri tek sheshi “Skënderbej”.
Të gjitha aktivitetet do të përmbyllen në orën 20:45 me një koncert të madh që do të mbahet në sheshin “Skënderbej”, ku do të performojnë emra të njohur të muzikës.
Dita e Çlirimit të Prishtinës është ditë manifestimi për të kujtuar 11 qershorin e vitit 1999 kur forcat e Ushtrisë Çlirimtare të Kosovës (UÇK) hynë në Prishtinë.
