Të dhënat e reja kanë bërë të ditur se rastet e norovirusit janë në rritje në Angli.
Infeksionet janë rritur me 19 për qind dhe ekspertët kanë paralajmëruar se shifrat janë më të larta se zakonisht për këtë periudhë të vitit.
Shifrat e reja nga Agjencia e Sigurisë Shëndetësore në Mbretërinë e Bashkuar (UKHSA) thonë se janë raportuar mbi 150 raste të reja.
Norovirusi mund të jetë i rëndë, por ka mënyra se si mund ta parandaloni atë, shkruan The Sun.
Ekspertët propozojnë që t’i kushtoni vëmendje higjienës, t’i lani duart shpesh duke përdorur sapun dhe ujë.
Shmangni kontaktin e ngushtë me njerëz që mund të jenë të infektuar me këtë virus, qoftë edhe familjar.
Mundohuni t’i mbani ata me simptoma larg, më së paku 48 orë.
Pastroni shpesh dhe dezinfektoni çdo sipërfaqe ose objekt potencialisht të kontaminuar.
