Instituti Hidrometeorologjik i Kosovës (IHK) bën të ditur se të enjten parashihet të mbajë mot me diell dhe vranësira të shpërndara.
IHK njofton se vranësirat mund te sjellin riga të dobëta shiu, kryesisht në relievin malor.
Temperaturat minimale mbeten konstante, ndërsa ato maksimalet parashihen të kenë ngritje të lehta.
Temperaturat minimale pritet të jenë nga 11-13 gradë Celsius, ndërsa ato maksimale nga 29-33 gradë.
Gjatë këtyre pesë ditëve të parashikimit do të fryjë erë e lehtë dhe mesatare nga drejtimet e ndryshme.
Indeksi UV mbetet i lartë prandaj këshillohet respektimi i udhëzimeve të IKSHP.
