Deputeti i Kuvendit nga radhët e VV-së, Armend Muja, gjatë seancës së Kuvendit e ka kritikuar propozimin e komunës së Prishtinës, që do të ndajë për secilin qytetar nga 50 euro, nëse adoptojnë një qen endacak.
Sipas Mujës, kjo nuk është e drejtë, pasi është shumë më shumë sesa shtesa për fëmijë, duke theksuar se në kohën e PDK-së s’ka pasur shtesa për fëmijë, por për viça, ndërsa, tash te LDK-ja ka shtesa për qen.
“Ne prioritetin e parë, sa i përket riqarkullimit të të ardhurave, e kemi dediku tek fëmijët përmes shtesave për fëmijë. Dje e pashë një lajm që komuna e Prishtinës kish me ua dhënë nga 50 euro për adoptimin e një qeni. Tash kjo varet kah i dedikon të hyrat, ne i kemi dedikuar tek fëmijët, ndërsa, në këtë rast komuna e Prishtinës i ka dedikuar për qen. Dhe mendoj që është më shumë sesa shtesat për fëmijë dhe është jo fer. Në vitin 2013 Kosova ka pas 376 mijë lopë edhe viça dhe është bë skema e subvencionimit të viçave. Rreth 85 euro për lopë në mënyrë që të ndihmohen familjet,. 7 vjet s’kemi pas shtesa për fëmijë, por kemi pas për viça. Kjo është implementu në kohën e PDK-së, të LDK-ja për qen… Edhe qentë e meritojnë, por po pajtohem që proporcioni është problematik pak”, ka thënë Muja.
