Deputetja e PDK-së, Blerta Deliu ka bërë të ditur se edhe sot nuk do të ketë ndryshim.
“Nuk shoh që do të ketë ndryshim. Nuk ka vullnet politik për të ndryshuar kandidaten e cila për të 19-ën herë do të ketë epilogun e njëjtë. Kosova po e kalon muajin e tretë të bllokimit dhe krizës institucionale dhe përgjegjësinë duhet ta marrin ata që nuk tregojnë asnjë hap të vetëm për tejkalim të kësaj situate”, tha Deliu.
Deputetja u shpreh se PDK ka qenë e hapur të ulet dhe të diskutojë dhe të shoh mundësinë sesi mund të tejkalohet situata e krijuar.
“Ne kemi një grup parlamentar i barrikaduar me një kandidate të vetme, fati i Kosovës ka mbetur në mëshirën e kandidates e cila nuk e di a do të jetë ende kandidate, apo pas disa tentativa zonja Haxhiu duhet të largohet nga kandidatura”, u shpreh Deliu.
Ajo refuzoi të komentoi deklaratat e kryeministrit në detyrë Albin Kurti, duke thënë se në vend se të flas për problemet e qytetarëve dhe bllokadën ai mori hapësirën e televizionit publik për të vendosur etiketime mbi partitë e tjera.
