Komisioni Qendror Zgjedhor sot mori vendim për lirimin e mbi tre mijë kutive të votimit, në të cilat ndodhet materiali zgjedhor nga procese të ndryshme zgjedhore dymijekatërmbëdhjetë deri më dymijenjëzetenjë.
Materiali zgjedhor në këto kuti, të cilat janë objekt i hetimit nga institucionet e drejtësisë, do të vendosen në thasë të veçantë nga një komision i përkohshëm dhe sipas procedurës së caktuar.
Zbatimi i këtij vendimi do të lirojë edhe hapësirën e depos së Komisionit Qendror Zgjedhor me qëllim të përgatitjeve të zgjedhjeve lokale këtë vit.
Drejtori i Sekretariatit të Komisionit Qendror Zgjedhor , Besnik Buzhala tha se shkak i hapësirës se kufizuar dhe nevojën e lirimit të hapësirë për zgjedhje lokale këto fletëvotime vendosen në thasë të veçantë.
Në vazhdim të mbledhjes, Komisioni Qendror Zgjedhor mori vendim edhe për ndalimin e mjeteve për subjektet politike parlamentare ndaj të cilave Paneli Zgjedhor për Ankesa dhe Parashtresa ka shqiptuar gjoba gjatë fushatës së zgjedhjeve për Kuvendin e Kosovës, të mbajtura më nëntë shkurt 2025.
Mjetet e ndaluara nga Fondi për mbështetje të subjekteve politike do të transferohen në xhirollogarinë e PZAP-it.
Buzhala tha se Zyra për regjistrim dhe certifikim rekomandon Komisionin Qendror Zgjedhor që këto gjoba të ndalen në mjete financiare në dy periudha kohore. Ai tha se deri më tani vetëm Partia Demokratike e Kosovës ka paguar një gjobë.
Gjatë fushatës zgjedhore të 9 shkurtit, PZAP ka shqiptuar gjoba ndaj partive politike në vlerë prej gjashtëqind e pesëdhjetenjëmijë e njëqind eurove, prej të cilave deri më tash janë paguar vetëm njëqind e katër mijë e pesëqind euro, sipas të dhënave të PZAP-it në ueb sajtin e saj zyrtar.
