Blerta Deliu, deputete e Kuvendit të Kosovës nga radhët e Partisë Demokratike të Kosovës, ka theksuar se ftesa për seancë në orën 20:00 është e çuditshme.
Përmes një postimi në “Facebook”, Deliu ka nënvizuar se pa pasur ende një deklaratë nga Policia e Kosovës për përfundimin e kontrollit për bombë ne Kuvend, dërgohet ftesa për seancë.
“Pa dashur të hyjmë në spekulime, por ftesa për seancë në orën 20:00 është, të paktën, e çuditshme. Kontrolli në Kuvend pas alarmit për bombë ende nuk ka përfunduar. Nuk ka asnjë deklaratë zyrtare nga Policia. E megjithatë, dërgohet ftesa për seancë – sikur gjithçka është në rregull”, ka shkruar Deliu.
Ajo ka pyetur se si po e di kryesuesi se ambientet janë të sigurta dhe se puna mund të vazhdojë pa asnjë pengesë.
