Debati për situatën e krijuar prej më shumë se një vit në veri të Kosovës dhe aktivizimi i bashkësisë ndërkombëtare për të gjetur një zgjidhje mes Kosovës dhe Serbisë, ka ndezur edhe debatet televizive në të dyja shtetet.
Në një debat të mbajtur këtyre ditëve në një televizion në Serbi është debatuar për propozimet e ndryshme të dhëna nga palët dhe ndërmjetësit, si dhe për publikimin e dokumenteve të ndryshme për këtë çështje.
Në këtë debat referencë ka qenë portali i Baton Haxhiut – Albanian Post.
Këtë pjesë të debatit ku flitet nga panelistët serbë për vetë Baton Haxhiun e ka publikuar në rrjetin social aktivisti kosovar, Rron Gjinovci.
“Wow! Në Serbi po e njohin Albanian Post dhe drejtuesit e saj si të lidhur me Serbinë”, ka shkruar Gjinovci.
E nga ajo që diskutohet në televizionin serb, shihet se ata flasin me mirënjohje për Baton Haxhiun.
Madje njëri nga ta thotë se e do Haxhiun, pasi ka qenë gjithmonë lajmëtari zyrtar i besuar i Beogradit.
“Haxhiu ka qenë gjithmonë lajmëtari zyrtar i besuar i Beogradit. U kërkoj falje. E dua Haxhiu”, ka thënë mes tjerash panelisti serb.
