Ministri i Jashtëm i Serbisë, Ivica Daçiq, ka thënë se propozimi franko-gjerman për Beogradin është i papranueshëm.
I pyetur se si do të reagojë Beogradi ndaj presioneve të shumta që vijnë për çështjen e Kosovës, Daçiq tha se nuk do të ketë zgjidhje ideale.
“Duhet të dimë se kurrë nuk do të kemi një zgjidhje që do të ishte ideale për ne. As për Prishtina nuk do të marrë këtë, por ajo nuk më intereson. Jemi në një hapësirë ku nuk ka zgjidhje ideale dhe ku duhet të matemi me kujdes se çfarë mund dhe çfarë nuk mund të pranojmë, pa rrezikuar interesat tona”, ka thënë Daçiq, raporton “Novosti”.
Në planin franko-gjerman ku Serbisë i ofrohet perspektiva evropiane në këmbim të pranimit të Kosovës në OKB, Daçiq ka thënë se ai plan niset nga qëndrimi se pavarësia e Kosovës është punë e kryer e për Beogradin është e papranueshme.
“Ne duam të flasim dhe të tregojmë vazhdimisht se jemi konstruktiv, por nuk mund t’i nënshkruajmë ato marrëveshje të paqarta. Konkluzioni nga seanca e Këshillit të Sigurisë Kombëtare është se ai propozim është i papranueshëm për ne dhe të gjithë votuan njëzëri ashtu. Nuk ka jep mundësi të flasim, sepse baza nga e cila nis, që Kosova është shtet i pavarur, është e papranueshme për ne”, tha Daçiq.
