Nënkryetarja e PDK-së, Vlora Çitaku ka reaguar ndaj videos së VV-së në të cilën akuzohen e sulmohen ish-pushtetet si dhe prezantohen të arriturat e pretenduara të Qeverisë Kurti.
Me anë të një postimi në Facebook, Çitaku tha se i vetmi sukses i Qeverisë është editimi i videove propagandistike, shkruan lajmi.net.
Ajo shtoi se nëse Qeveria do të realizonte video për sukseset në Qeveri, ajo do të zgjaste pesë sekonda, aq sa ecja e në urën disa metërshe të inauguruar në Istog nga kryeministri Kurti.
Lexo po ashtu:
Postimi i plotë:
Suksesi i VV në dy vite qeverisje është editimi i videove propagandistike.
Se, dorën në zemër, me e realizu një video për sukseset e tyre në qeverisje, ajo video kish me zgjatë 5 sekonda, pak a shumë sa ecja në urën pak metërshe të inauguruar në Istog nga Kryeministri.
Ndërkohë, s’kemi as pasaporta e lëre më diçka më shumë.
