Kur tumoret e trurit janë shumë të vogla, disa njerëz mund të mos përjetojnë asnjë simptomë sepse ato janë aq minimale sa nuk vihen re.
Ndërsa tumoret e trurit rriten, shenjat dhe simptomat mund të ndryshojnë dhe varen kryesisht nga vendndodhja e tumorit brenda trurit, madhësia e tij dhe sa shpejt rritet, shkruan The Independent, transmeton KosovaNews.
Disa nga shenjat dhe simptomat më të zakonshme të shkaktuara nga tumoret e trurit përfshijnë dhimbjet e kokës, konvulsionet si dhe vështirësi në të menduarit, të folurit ose gjetjen e fjalëve. Edhe ndryshimet në personalitet ose sjellje, vështirësitë me ekuilibrin ose marramendjen, ndryshimet shqisore si vështirësi në dëgjim, vështirësitë në shikim ose humbjet e nuhatjes janë po ashtu simptoma të tumorit të trurit.
Po ashtu, pjesë në këtë listë bën edhe humbja e kujtesës, konfuzioni në çështjet e përditshme ose çorientim si dhe lodhja dhe dobësimi i muskujve.
Shenja dhe simptoma të tjera të mundshme mund të përfshijnë lëvizje jonormale të syve, probleme me gëlltitjen, probleme me ecjen, dobësi ose rënie të njërës anë të fytyrës, humbje të oreksit ose humbje peshe dhe të folur të paqartë.
