Kryetari i Komunës së Podujevës, Shpejtim Bulliqi ka thënë se i mirëpret dhe është i gëzuar nëse i ka nisur hetimet Prokuroria Themelore lidhur për ndërtimet pa leje në zonën përreth Liqenit të Batllavës.
“Në media po qarkullon lajmi se Prokuroria Themelore në Prishtinë ka filluar hetimet për ndërtimet pa leje në zonën përreth Liqenit të Batllavës. I gëzohem këtij lajmi dhe mirëpres çdo hetim, me qëllim që të zbardhet e vërteta lidhur me këtë çështje”, ka shkruar Bulliqi në rrjetin social.
Ai thekoi se ka gatishmërinë e plotë, që si institucione lokale, të bashkëpunojmë ngushtë me Prokurorinë për zbardhjen e të vërtetës për ndërtimet ilegale në atë zonë.
Në medie u raportuar se Prokuroria Themelore në Prishtinë ka nisur hetimet ndaj kryetarit të Podujevës, Shpejtim Bulliqi.
E ky hetim tuhej se nisi pas akuzave që bëri në drejtim të kryetarit, ish-drejtori i Inspeksionit, Besnik Mulliq, i cili u shkarkua nga vetë Bulliqi.
Ish- drejtori përmes një postimi në rrjetin social Facebook kishte deklaruar se kryetari e pengoi në zbatimin e ligjit, për rrënimin e disa objekteve në Batllavë.
“Prokuroria është duke i shqyrtuar të gjitha pretendimet e dhëna ne opinionin publik nga zotëri Mulliqi, si dhe do te veprojë konformë dispozitave ligjore ne fuqi”, kanë thënë nga prokuroria.
