Sulmuesi i Kombëtares shqiptare dhe i Chelseas, Armando Broja e ka mohuar se ka raport të keq me trajnerin e Shqipërisë, Sylvinho.
Broja me anë të një shkrimi në rrjetet sociale ka thënë se lëndimi ka bërë që ai të mos luajë për Shqipërinë dhe jo ndonjë krisje me trajnerin.
“Përshendetje. I gjithë ky lajm i rreme që qarkullon duke thënë se nuk më intereson ekipi kombëtar dhe se unë dhe menaxheri jemi zënë është gënjeshtër e plotë. Unë dua Kombëtaren me gjithë zemër. Isha shume i merzitun qe mu desh të humbisja 1 vit te kombëtares për shkak të dëmtimit dhe më pëlqen të besoj se unë dhe menaxheri kemi një marrëdhënie shumë të mire ku mund të flasim lirshëm dhe me respekt me njëri-tjetrin. Ai ka bërë një punë të mrekullueshme dhe jam personi më i lumtur që shoh Shqipërinë të kualifikohet për në Gjermani. Kam shumë respekt për të gjithë stafin dhe lojtaret dhe menaxherin në Shqipëri. Ai nuk me zgjodhi mua jo sepse u prishëm bashkë, por thjesht sepse u lëndova dhe nuk isha në formë”, ka shkruajtur Broja. “Nuk kam luajtur asnjë lojë që nga kampi i fundit”.
