Rifat Brahimaj është shkarkuar nga detyra e drejtorit të Klinikës Kardiokirurgjike në QKUK.
Brahimajt i është kumtuar ky lajm mëngjesin e së enjtes.
Megjithatë, për një vendim të tillë, Brahimaj ka thënë se nuk ka pranuar shkresë zyrtare.
I pyetur nga KOHA për një gjë të tillë, ai ka thënë se “ende nuk e kam zyrtarisht shkresën, nuk e kam pranuar letrën”.
Ai nuk ka dhënë informacione të tjera, por ka thënë se në rast se i vjen kjo shkresë, do të deklarohet për media për qëndrimin e tij.
Javën e kaluar në vend mori vëmendje të madhe rasti i një pacienti i cili pas një operacioni të rrallë në Kardiokirurgji, vdiq. Procesi përgjatë operimit është xhiruar dhe publikuar nga kirurgu që mori pjesë aty, Kushtrim Shala, ndërsa për këtë edhe është kritikuar meqë për publikimin e pamjeve nga sallat e operacioneve duhet të merret leje e veçantë.
Brahimaj ishte deklaruar se për këtë operacion Shala ishte pa përvojë, ndërkohë që pati deklaruar se ishte në pushim në kohën kur ishte kryer operacioni, duke hequr përgjegjësinë nga vetja.
