Bashkësia Islame e Kosovës (BIK) ka njoftuar se edhe 285 haxhinjë të tjerë janë nisur sot nga Kosova për evndet arabe për të kryer ritualet e haxhit.
BIK njofton se ky është aeroplani i pestë me besimtarë nga Kosova që udhëtuan për të kryer haxhin.
“285 haxhinjë nga Dragashi, Vushtrria dhe Peja udhëtuan sot për ta kryer haxhin. Deri më tani, të gjitha grupet e besimtarëve nga Kosova kanë pasur udhëtim të mirë, ku menjëherë pas arritjes janë akomoduar në hotele dhe kanë filluar ritualet e umres”, thuhet në njoftimin e BIK-ut.
Sipas BIK gjatë ditës së sotme pritet të niset edhe grupi i fundit i haxhilerëve kosovarë, duke përmbyllur fluturimet sa i përket këtij viti.
Gjithsej 1,597 besimtarë nga Kosova do ta kryejnë haxhin këtë vit.
