Përfaqësuesi i Lartë i Bashkimit Evropian, Josep Borrell, të mërkurën ka theksuar se blloku nuk do t’i njohë rezultatet e zgjedhjeve në Venezuelë, derisa të bëhet verifikimi i pavarur i të dhënave.
Borrell ka deklaruar se rezultati i 80 për qind të votave është shpallur pa u dhënë asnjë burim apo sistem që mund ta lejojë verifikimin.
Ai ka thënë se këto rezultate të pjesshme nuk përputhen me ato të ofruara nga opozita. Përfaqësuesi i Lartë i BE-së u ka kërkuar gjithashtu autoriteteve venezueliane që të mbajnë rendin mes kaosit e dhunës që ka shpërthyer si pasojë e pakënaqësisë së qytetarëve.
Deklaratat e Borrellit erdhën pasi aktivistët kundër qeverisë rrëzuan dy statuja të Hugo Chvaezit, socialistit të ndjerë autoritar që udhëhoqi Venezuelën për më shumë se një dekadë, e i cili zgjodhi Nicolas Maduron, presidentin që pretendon se i ka fituar zgjedhjet, si pasues të tij.
