Një sasi prej rreth tri kilogramësh substancë narkotike, armë zjarri, mjete që shërbejnë për shpërndarje të drogës dhe para të gatshme janë sekuestruar gjatë një bastisjeje të zhvilluar të premten në Pejë.
Një person është arrestuar.
“Janë kapur rreth 3 kilogram drogë, armë të zjarrit dhe mjete të tjera, para dhe është arrestuar një person”, ka thënë zëdhënësi i Prokurorisë Themelore në Pejë, Shkodran Nikçi.
Prokurori i rastit do ta paraqesë kërkesën për caktimin e masës së paraburgimit sot, 26 korrik.
Hetimet për rastin janë duke vazhduar.
