Deputeti i Lëvizjes Vetëvendosje, Dimal Basha ka ngritur një pyetje lidhur me qëndrimet e partive politike në Kosovë PDK dhe LDK mbi mbylljen e Postës së Vuçiqit.
Në një postim në rrjetet sociale, Basha ka kërkuar të dijë nëse këto dy parti kanë ndonjë deklaratë zyrtare për këtë çështje dhe se nga kush po ndjejnë presion për të mos vepruar.
Basha ka theksuar se nëse këto parti nuk kanë një qëndrim të qartë, ato duhet të shqyrtojnë mundësinë e transferimit të kompetencave në ambasada.
“Nëse s’keni qëndrim, mbyllni zyrat edhe bartni kompetencat nëpër ambasada, se ndryshe se di qysh doni me kërku votë?”, shkroi ai.
Kritika e Bashës është e drejtuar edhe ndaj Ramush Haradinajt, i cili, sipas tij, është shprehur kundër mbylljes së Postës së Serbisë për të mos prishur marrëdhëniet me ndërkombëtarët.
