Deputeti i Lëvizjes Vetëvendosje Mefail Bajqinovci ka kritikuar ashpër qasjen e zyrtarëve të LDK-së ndaj veriut të Kosovës. Ka thënë se me këtë qasje LDK-ja Bajqinovci LDK-ja me këto deklarata nuk e sheh veriun e Kosovës si pjesë të territorit të Kosovës, shpesh e cilësojnë Policinë e Kosovë me atë Rankoviqit.
Bajqinovci i ka kujtuar zyrtarëve të LDK-së se institucionet e sigurisë si policinë, AKI-në, Shërbimi korrektues dhe institucionet e tjera të shtetit të Kosovës që funksionojnë në veri menaxhohen nga qeveria e Kosovës të cilën e udhëheq kryeministri Kurti.
Më poshtë statusi i plotë z.Bajqinovci
“Për zyrtarët e LDK-së veriu nuk qenka territor i Kosovës, sa që thonë se siguria në veri nuk është punë e kryeministrit. E kush i menaxhon institucionet e sigurisë si policinë, AKI-në, Shërbimi korrektues dhe institucionet e tjera të shtetit të Kosovës që funksionojnë në veri, po mendoni që KFOR-i?
Institucionet e Kosovës duke filluar nga Policia e Kosovës, AKI-ja e kanë obligim ligjor të veprojnë në të gjithë territorin e Republikës së Kosovës. Veriu nuk është përjashtim!
Përgjegjës për sigurinë është Policia e Kosovës, legjislacioni i Kosovës i jep të drejtën dhe obligimin institucioneve tona të sigurojnë rendin dhe ligjin në çdo cep të territorit.
LDK-ja me këto deklarata nuk e sheh veriun e Kosovës si pjesë të territorit të Kosovës, shpesh e cilësojnë Policinë e Kosovë me atë Rankoviqit.
S’ka kthim mbrapa”, ka shkruar Bajqinovci në Facebook.
