Deputeti i Lëvizjes Vetëvendosje, Mefail Bajqinovci, ka reaguar me tone të ashpra ndaj deputetes së Lidhjes Demokratike të Kosovës (LDK), Hykmete Bajrami, pas deklaratave të saj lidhur me procesin e zgjedhjes së Presidentit.
Përmes një reagimi në rrjetet sociale, Bajqinovci ka ironizuar me shpejtësinë e reagimit të Bajramit, duke pretenduar se ajo po tenton të sabotojë procesin ende pa përfunduar takimi mes liderëve, Albin Kurti dhe Lumir Abdixhiku.
Bajqinovci ka hedhur dyshime se qëndrimet e ish-ministres Bajrami janë më shumë një mesazh për kryetarin e saj, Abdixhikun, sesa për Lëvizjen Vetëvendosje.
Postimi i Plotë:
“Hykmetja ka fillu po reagon ende pa dal Lumiri prej takimit me Albinin!
Hykmete, ti je dëshmia që bashkë s’i kemi 80 vota, sepse ende pa dal Lumiri prej takimit del tregon qysh nuk ka President.
E di që e ke më shumë me Lumirin se me Albinin, por këtë garë me Lumirin ish dashtë me bë në LDK, jo tash kur ne diskutojmë për President!”
7
