Të dyshuarit për vrasjen e rëndë që ndodhi këtë të shtunë në Prishtinë, janë dy personat që mbetën të plagosur e të cilët po trajtohen në Qendrën Klinike Universitare të Kosovës.
Lajmin e ka konfirmuar zëdhënësja e Prokurorisë Themelore të Prishtinës, Laureta Ulaj.
Ajo ka bërë të ditur se Prokurori i Shtetit ka lëshuar aktvendim mbi ndalimin e tyre.
“Prokurori i Shtetit ka lëshuar aktvendim mbi ndalimin e dy personave, nën masat e sigurisë nga policia, pasi janë në trajtim mjekësor. Të njëjtit dyshohen për veprën penale ‘Vrasja e rëndë’, sipas KPRK-së”, ka deklaruar Ulaj.
Ndryshe, rasti tragjik ndodhi në lagjen ‘Arbëria’ në kryeqytet, ku një person mbet i vrarë nga arma e zjarrit, ndërsa dy të tjerë u lënduan nga një mjet i mprehtë.
Ndërkaq, burimet bëjnë të ditur se viktimë është 65 vjeçari Rexhep Tahiri nga fshati Dumnicë e Podujevës. bëjën të ditur se viktimë është 65 vjeçari Rexhep Tahiri nga fshati Dumnicë e Podujevës.