Ish-Drejtori i Radio televizionit të Kosovës Mentor Shala sot gjatë ditës është dënuar nga Policia e Kosovës pasiqë ai gjatë vozitjes ka përdorur telefonin për të incizuar një aksident te Parku i Biznesit në Drenas
Përmes një postimi në Facebook, ai ka treguar se ishte duke incizuar një aksident trafiku, përderisa është ndalur nga policia e Kosovës dhe është gjobitur për përdorim të telefonit.
Ish-Drejtori i RTK-së Mentori Shala i cili njihet si njeri i afërt me PDK-në është shkarkuar nga pozita e zv-drejtorit të RTK-së vitin e kaluar për fyerjet që ja ka bërë publikisht deputetes Doarsa Kica .
Shala përmes postimit në facebook është shprehur i habitur për dënimin që ka marrë nga policia për përdorim të telefonit gjatë vozitjes. Ai madje duke u fshehur nën petkun e gazetarit ka thënë se nuk e din që paska ligj që e ndalon me përdor telefonin për të incizuar një aksident trafiku. Ligji për pwrdorimin e telefonit në trafik është i barabartë për të gjithë.
Sipas Ligjit për Rregullat e Trafikut Rrugor, Neni 231 Kushtet për drejtimin e mjetit, pika 4 thotë se shoferit të mjetit me veprim motorik gjatë kohës së drejtimit nuk i lejohet përdorimi i telefonit të dorës – mobil, as i pajisjeve të tjera të cilat do ta zvogëlonin mundësinë e reagimit dhe drejtimit të sigurt të mjetit. Këto pajisje mund të shfrytëzohen gjatë drejtimit të mjetit nëse përdorimi i tyre bëhet pa i mbajtur me dorë.
Pika 6 e po këtij neni thotë se dënohet për kundërvajtje, me gjobë prej dyzet (40) eurosh, shoferi i cili vepron në kundërshtim me dispozitat e paragrafëve 3., 4. ose 5. të këtij neni.
Postimi i plotë:
“Sot u denova nga policia pse isha tu e xhiru nga kerri nje aksident trafiku te parku i biznisit ne Drenas. Policja qe po e shihni me ndali dhe i tha koleges se vet eshte tu xhiru. Po isha tu xhiru nje aksident trafiku! Nuk e di kur ka dal ligji qe eshte e ndalume me xhiru nje aksident trafiku. E sidomos kur je gazetar. Hajr ishalla!”
