Avokati i familjes Dehari, Tomë Gashi ka thënë se “Rasti Dehari” është më i rëndi në Kosovën e pasluftës.
Ka thënë se “kemi menduar që vrasjet politike kanë mbaruar në vitit 1999 kur Kosova u çlirua nga Serbia”.
Gashi ka thënë se momentet e para kur kishin marrë vesh për ngjarjen, me kërkesë të institucioneve janë lejuar edhe ekspertë të pavarur që të marrin pjesë gjatë obduksionin dhe në momentin kur raporti është përfunduar është gjetur se në trupin e Deharit janë gjetur plagë vetëmbrojtëse.
“Unë nuk besoj që në një vend normal, një prokurorie normale do t’i duheshin 7 vjet për ta hapur rastin në drejtim të gjetjes së vrasësve të Deharit, të atyre që i kanë shty në vrasje dhe ata që e kanë fsheh rastin për 7 vjet. Prokuroria e ka lehtë të nxjerrë një vendim për zhvillim të hetimeve në drejtim të vrasjes. Familja është e dëshpëruar, ne të gjithë ndjejmë dhimbje, por dhimbjen më të madhe e ka familja”, ka thënë ai ne KTV.
