Kërcënimi Serb për kthimin e 1000 ushtarëve Serb në Kosovë, është thirrje e pastër për luftë dhe pushtim të Kosovës.
Kështu ka deklaruar deputeti i Partisë Guxo, Haxhi Avdyli duke nënvizuar se kjo do të thotë djegie, shkatërrim dhe një kërcënim për gjenocid të ri, transmeton KosovaNews.
Përmes një postimi në facebook, Avdyli ka thënë se të gjitha veprimet destabilizuese me barrikada, përmes një grushti kriminelesh ne veri dhe ndjellje të frikës e defetizmit përmes argatëve shqiptar ne jug, kanë qëllimin e njëjtë që me shekuj kanë pasur – zhdukjen e shqiptarëve nga trojet e tyre.
“Zatën etja e tyre për gjak, po përcillet edhe ne gjeneratat e reja. Këtë e dëshmon edhe kënga që tregon mendjen e morbide të këtij kombi të mjerë – UBIJ ZAKOLJI DA SIPTAR NE POSTOJI.”, ka shkruar Avdyli në Facebook.
Sipas tij, Kosova sot s’duhet të lekundet asnjë milimetër por edhe duhet të përgatitet ushtarakisht për tia dhënë Serbisë goditjen edhe më të madhe se në vitin 1999./KosovaNews/
