Administrata Tatimore e Kosovës ka pritur një delegacion nga Administrata Tatimore e Bosnjës dhe Hercegovinës në kuadër të bashkëpunimit ndërinstitucional dhe shkëmbimit të përvojave profesionale në fushën e administrimit tatimor.
Delegacioni u prit nga drejtori i përgjithshëm i ATK-së, Mentor Hyseni, së bashku me bashkëpunëtorët e tij, ndërsa delegacioni nga Bosnja dhe Hercegovina përbëhej nga Admir Omerbašić, ushtrues detyre i drejtorit të Administratës Tatimore të Federatës së Bosnjës dhe Hercegovinës, Sabahudin Ibrahimagiq dhe Muamer Dautbegoviq.
“Gjatë takimeve u prezantuan praktikat dhe përvojat institucionale të secilës administratë, me fokus në avancimin e proceseve tatimore, rritjen e efikasitetit operativ dhe forcimin e bashkëpunimit ndërkombëtar në administrimin tatimor”, thuhet në njoftim.
Po ashtu, të dy palët prezantuan praktikat dhe përvojat institucionale me fokus në avancimin e proceseve tatimore, rritjen e efikasitetit operativ dhe forcimin e bashkëpunimit ndërkombëtar
ATK vlerësoi se vizita paraqet një mundësi të rëndësishme për thellimin e bashkëpunimit ndërmjet institucioneve tatimore të Kosovës dhe Bosnjës dhe Hercegovinës, si dhe për identifikimin e praktikave më të mira në administrimin tatimor dhe transformimin digjital.
