Shërbimet e Komisariatit të Policisë Krujë kanë vijuar intensivisht kontrollet në malësinë e Krujës dhe në fshatra të ndryshme të rrethit, duke përdorur dhe dronë, me qëllim parandalimin, evidentimin dhe goditjen e veprimtarisë kriminale të kultivimit të bimëve narkotike.
Si rezultat i kontrolleve të ushtruara të megaoperacionit policor antikanabis, u gjetën të kultivuara 609 bimë të dyshuara narkotike cannabis sativa, të cilat u asgjësuan me anë të djegies.
Më parë, në kuadër të këtij operacioni janë gjetur dhe asgjësuar 17 995 bimë narkotike kanabis.
Policia bën me dije se megaoperacioni antikanabis ‘Territor i pastër’ vijon kontrollet për parandalimin e kultivimit të bimëve narkotike.
