Policia e Kosovës (PK) njofton se është arrestuar njëri nga personat që po kërkohej për tentim vrasjen e 22 majit në Gjonaj të Prizrenit.
“Njësiti i hetimeve të sektorit rajonal DRP Prizren me datën 27.05.2024 ka arritur që të lokalizoj dhe arrestoj të dyshuarin A. L (viti i lindjes 1957, mashkull kosovar shqiptar). I njëjti në prani të avokatit mbrojtës është intervistuar. Në lidhje me këtë është informuar prokurori i rasti, i cili ka lëshuar aktvendim për ndalim te dyshuarin për 48 orë”, thuhet në njoftim.
Bëhet e ditur se rasti është nën hetime.
Ndryshe, të hënën Policia përmes publikimit të fotografisë dhe të dhënave të tjera, shpalli në kërkim gjashtë familjarët e dyshuar për vrasjen në tentativë në Prizren.
