Policia e Kosovës ka njoftuar për një incident të ndodhur mbrëmjen e së mërkurës në Prizren, ku një qytetar ka sulmuar zyrtarët policorë.
Rasti ka ndodhur më 27 gusht 2025, rreth orës 18:30, kur i dyshuari, shtetas kosovar, në shenjë revolte pas shqiptimit të një gjobe në trafik, ka sulmuar policët.
“Është arrestuar se i dyshuari mashkull kosovar për shkak se i njëjti në shenjë revolte pas shqiptimit të një gjobe në trafik ka sulmuar zyrtarët policor”, thuhet në raportin e PK-së.
Bëhet e ditur se i dyshuari me vendim të prokurorit është dërguar në mbajtje, rasti është duke u trajtuar në bashkëpunim me organet e drejtësisë.
