Policia e Kosovës ka bërë të ditur se ka arrestuar një person në Dobidol të Rahovecit nën dyshimin për mbajtje në pronësi të paautorizuar të armëve.
“Pas një hetimi preliminar që është zhvilluar nga Njësia e Hetimeve në kuadër të Stacionit Policor në Rahovec, lidhur me informatën e pranuar për mbajtje në pronësi të paautorizuar të armëve, është arritur që të identifikohet i dyshuari, mashkull kosovar”, thuhet në njoftimin e PK-së.
Sipas policisë gjatë kontrollit të shtëpisë dhe objekteve përcjellëse të të dyshuarit është gjetur dhe konfiskuar një pushkë automatike AK-47, një karikator dhe 21 copë fishekë të po të njëjtës armë.
I dyshuari është arrestuar dhe është intervistuar në prani të avokatit mbrojtës.
Ndërkaq në konsultim me prokurorin e shtetit, pas përfundimi të procedurave të rregullta policore, i njëjti është liruar dhe rasti do të trajtohet në procedurë të rregullt.
