Tre persona janë arrestuar nën dyshimin se kanë grabitur para e pako me cigare në një pompë derivatesh në Prishtinë.Grabitja ka ndodhur dje në rrugën “Isa Kastrati”, ndërsa arrestimi është bërë sot.Zëdhënësja e Policisë për rajonin e Prishtinës, Flora Ahmeti, njofton se të dyshuarit janë V.K., 21-vjeçar, D.K., 23-vjeçar dhe R.H., 24-vjeçar.
Të dyshuarit janë dërguar në mbajtje për 48 orë me vendim të prokurorit.Policia thotë se hetuesit po kryejnë veprimet e nevojshme para se rasti të procedohet më tej.
