Dy persona janë arrestuar për veprën penale ‘blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’ në Gjakovë.
Policia ka nisur hetimet pas raportimit se i dyshuari mashkull kosovar dyshohet se i ka shitur narkotik një personi mashkull kosovar, me ç’rast është bastisur shtëpia e të dyshuarit.
“Gjatë bastisjes në shtëpinë e të dyshuarit mashkull kosovar janë gjetur dhe konfiskuar dëshmitë si në vijim: një (1) qese najloni e mbushur me bari ngjyrë të gjelbër të dyshuar për narkotik të llojit mariuhanë me peshë 0.9 gram; njëzet e shtatë (27) qese najloni të mbushura me bari ngjyrë te gjelbër të dyshuar për narkotik të llojit mariuhanë me peshë 34 gram; shtatëdhjetë (70) qese najloni të mbushura me bari ngjyrë te gjelbër të dyshuar për narkotik të llojit mariuhanë me peshë 100 gram; një (1) qese najloni të mbushur me bari ngjyrë te gjelbër të dyshuar për narkotik të llojit mariuhan me peshë prej 534 gram; para në vlerë prej 510 euro, një (1) telefon, dhe peshore digjitale”, thuhet në njoftim.
