Policia e Kosovës ka njoftuar se dje gjatë ditës kanë arrestuar 3 persona në Gjakovë si të dyshuar për veprat penale “Kanosje me armë”, “Mbajtje në pronësi, kontroll ose posedim të paautorizuar të armëve”, “Sulm”, e kjo kishte ndodhur mes 3 personave pas një mosmarrëveshje në komunikacion.
Njoftimi i plotë i policisë së Kosovës:
Arrestohen tre persona të dyshuar për veprën penale “Kanosje me armë”, “Mbajtje në pronësi, kontroll ose posedim të paautorizuar të armëve”, “Sulm”
Gjakovë, 15 korrik 2022
Me datën 15.07.2022 rreth orës 20:40 në rrugën “Nënë Tereza” në Gjakovë disa persona kishin filluar të sulmonin njëri tjetrin pas një mosmarrëveshje në komunikacion. Njësitet policore nga Stacioni Policor-Gjakovë, pa vonesë ju janë përgjigjur rastit dhe kanë arrestuar tre të dyshuar:
1. D. Gj., mashkull, lindur në vitin 1960, shtetas i Republikës së Kosovës
2. D. R., mashkull, lindur në vitin 1991, shtetas i Republikës së Kosovës
3. T. L., mashkull, lindur në vitin 1986, shtetas i Republikës së Kosovës
Në vend-ngjarje nga policia është sekuestruar edhe një pistoletë BASQUR, një karikator dhe 4 copë fishek të po të njëjtës armë e cila dyshohet të ketë qenë në posedim të të dyshuarit numër 1 dhe në rast ishte përdorur nga ai për të kanosur të dyshuarit e tjerë.
Me vendim të Prokurorit të Shtetit, pas përfundimit të procedurave fillestare policore, i dyshuari 1 ndalohet për 48 orë në ndalim policor dhe rasti vazhdon me hetime.
Fotografi të armëve dhe municionit të sekuestruar:
