Pesëmbëdhjetë persona janë arrestuar të mërkurën, më 25 shkurt, nën dyshimin se më 29 dhjetor 2025, në Novobërdë, kanë falsifikuar rezultatet e votimit në zgjedhjet e fundit parlamentare.
Sipas autoriteteve, me vendim të prokurorit, të dyshuarit janë intervistuar dhe më pas janë liruar në procedurë të rregullt, ndërsa hetimet lidhur me rastin janë duke vazhduar.
Ndërkohë, hetime për manipulim të votave kanë nisur edhe në disa qytete të tjera të Kosovës, pas shfaqjes së dallimeve në votat e kandidatëve për deputetë në zgjedhjet parlamentare të 28 dhjetorit të vitit të kaluar.
Pas evidentimit të mospërputhjeve gjatë procesit të numërimit në rajone të ndryshme të vendit, Prokuroria e Shtetit ka ndërmarrë hapa ligjorë për të verifikuar dyshimet për manipulim me vota dhe për të zbardhur rastet e raportuara.
