Policia ka arrestuar dhe intervistuar 14 persona, kryesisht kryesues dhe anëtarë të komisioneve numëruese në Qendrën Komunale të Numërimit (QKN) në Kllokot, nën dyshimin për falsifikim të rezultateve të votimit.
Të dyshuarit janë ndaluar pas një dyshimi të bazuar lidhur me parregullsi në procesin e numërimit të votave.
Pas intervistimit, me vendim të prokurorit, të gjithë janë liruar në procedurë të rregullt.
“FALSIFIKIM I REZULTATIT TË VOTIMIT
Kllokot 29.12.2025. Me dyshimin e bazuar për falsifikim të rezultateve të votimit, më 06.02.2026 janë arrestuar dhe intervistuar në cilësinë e të dyshuarve 14 persona kryesues dhe anëtarë të komisioneve numërues në QKN- Kllokot. Me vendim të prokurorit të dyshuarit pas intervistimit janë liruar”, thuhet në raportin 24-orësh të policisë
