Pas arrestimit të një personi, i cili dyshohet për krimet e kryera gjatë periudhës së luftës në Kosovë (1998- 1999), disa serbë janë mbledhur për të shprehur pakënaqësinë e tyre për arrestimin e sotëm të tij në qendër të Graçanicës.
Serbët për pak eskaluan, duke bllokuar edhe rrugën, ndërsa kanë gjuajtur edhe me gjësende dhe kanë dëmtuar një veturë.
Policia e Kosovës, respektivisht Drejtoria për Hetimin e Krimeve të Luftës (DHKL), në bashkëpunim dhe me autorizim të Prokurorisë Speciale të Republikës së Kosovës, ka zhvilluar hetime lidhur me krimet e kryera gjatë periudhës së luftës në Kosovë (1998- 1999), ku përmes rrugëve hetimore-operative ka pranuar informacion për të dyshuarin mashkull kosovar serb me iniciale D.M, si pjesëmarrës në këto krime.
Ndërkaq gjatë kontrollit në shtëpinë e të dyshuarit, në cilësi të provave materiale janë sekuestruar:
– një armë zjarri-revole e tipit “Zastava” cal.9mm,
– 136 fishek të kalibrit 9x19mm,
– thikë ushtarake e tipit SOG Speciality Knives,
– shufër metalike “Taiëan”,
– dokumente, vendime, notes dhe telefon personal.
LEXO më shumë:
