Shërbimi Korrektues i Kosovës (SHKK) ka njoftuar se është arratisur i burgosuri L.Xh., i cili është i akuzuar për fajde.
SHKK-ja njofton se i burgosuri ka ikur nga Reparti i Hematologjisë në SHSKUK, ndërsa lidhur me rastin janë pezulluar dy zyrtarë korrektues.
“Shërbimi Korrektues i Kosovës njofton opinionin publik se sot, rreth orës 06:30, nga Reparti i Hematologjisë në SHSKUK ka ikur i burgosuri L.Xh, i njejti ishte i akuzuar për Vepren Penale Fajde. Lidhur me rastin janë pezulluar nga puna dy zyrtarë korrektues, ndërsa është njoftuar edhe policia. SHKK ka filluar hetimet për të zbuluar se si ka ndodhur rasti dhe do t’ju mbajë të informuar”, thuhet në njoftim.
