Mes 11 pilotëve të rinj që iu shtuan sot Forcave të Armatosura ishte dhe një vajzë, Armela Murati. 25-vjeçarja nga Burreli është pilotja e parë në Forcat e Armatosura.
Në një intervistë të mëparshme ajo e ka quajtur zgjedhjen e saj për t’u bërë pilote, jo të rastësishme.
‘Unë vij nga një familje ushtarakësh, babai im ka qenë një ish-oficer dhe duke ndjekur shembullin e tij, disiplinën që ai ka, dhe pasionin që ai ka për punën, ma ka transmetuar edhe mua. Dhe shpresoj ta bej krenare se ai është mbështetja ime më e madhe.Vajzat kanë treguar që dinë të jenë të barabarta me meshkujt në shumë profesione të tjera të jetës. Është një profesion që nuk ka të bëjë vajzë apo djalë nëse do ta bësh nëse ke vullnet dhe dëshirë ta bësh do të arrish çdo gjë”, tha Murati.
Ministri i Mbrojtjes i pranishëm në ceremoni u shpreh se vitin e ardhshëm do të nisë ndërtimi i flotës ajrore me helikopterët ushtarakë amerikanë Blackhawkl./TP/
