Një person është arrestuar në Fushë-Kosovë të hënën, pasi muaj më parë dyshohet se ka tentuar të marrë kredi në një bankë, me dokumente false.
Sipas njoftimit të Policisë në raportin 24-orësh, ai pati aplikuar për kredi në fund të janarit.
Me vendim të prokurorit, i dyshuari është dërguar në mbajtje.
Rasti është cilësuar si “mashtrim/falsifikim i dokumenteve”.
“Më datë 15.05.2023 , është arrestuar i dyshuari mashkull kosovar, pasi që i njëjti kishte aplikuar për marrjen e kredisë në një bankë me dokumente të falsifikuara. Me vendim të prokurorit pas intervistimit, i dyshuari është dërguar në mbajtje”, thuhet në raportin e Policisë.
