Për shkak të qasjes së njëkohshme të shumë aplikantëve në platformën e Ministrisë së Mbrojtjes për ushtarë në FSK, janë shfaqur pengesa teknike që po vonojnë procesin e aplikimit, por ministri Armend Mehaj thotë se problemi po sanohet dhe u bëri thirrje të rinjve që të aplikojnë sa më shumë.
Ministri Mehaj tha se Ministria e Mbrojtjes është duke pranuar numër të madh të aplikacioneve në konkursin për pranimin e 612 ushtarë të rinj aktiv dhe 388 ushtarë të komponentës rezervë.
“Për shkak të qasjes së njëkohshme të shumë aplikantëve në platformën tonë të aplikimit, janë shfaqur pengesa teknike që po vonojnë procesin e aplikimit. Andaj, në rast se hasni në pengesa të tilla ju ftojmë që të provoni përsëri pas disa minutash.Ju njoftojmë edhe njëherë se të drejtë të aplikimit kanë të gjithë të rinjtë e të rejat nga mosha 18-25 vjeç”, ka shkruar Mehaj.
Informatat plotësuese rreth pocedurave të aplikimit dhe përzgjedhjes, procedurat e testimit dhe kriteret, si dhe dokumentet e kërkuara për aplikim, i gjeni në shpallje të konkursit që është në linkun:
https://mod.rks-gov.net/konkurs-per-rekrutimin-e…/
Formulari i aplikimit plotësohet online në linkun: https://rekrutimi.fsk-rks.org/Apply ku duhet bashkëngjitur të gjitha dokumentet tjera të kërkuara nga ky formular.
Ministria e Mbrojtjes, të gjithë të interesuarve, ju garanton proces të drejtë dhe transparent, në zbatueshmëri të plotë të procedurave dhe kritereve ku do të zgjidhen më të mirët prej më të mirëve.
“Bëhu ushtar i Republikës së Kosovës! Shërbimi juaj- dedikim i shenjtë për të ardhmen e sigurt të vendit!”, ka shkruar mes tjerash Mehaj.
