Policia e Kosovës me një komunikatë për media ka njoftuar se ekipet kundër drogës kanë zhvilluar një aksion të madh ku ka rezultuar me kapjen e një sasie droge dhe arrestimin e disa personave.
Aksioni ka ardhë pas informatave paraprake dhe hetimeve të kryera.
Fillimisht policia e ka kapur të dyshuarin kryesorë, ku atij i janë gjetur sasi e drogave të llojeve të ndryshme.
Pas kësaj, antidroga me veprime taktike ka arritur të kapë edhe dy persona tjerë, të cilëve iu është gjetur sasi e drogës, dha pajisje tjera që i kishin në funksion të aktivitetit të tyre kriminal.
Të tre personat janë dërguar nga mbajtje për 48 norë deri në marrjen e një vendimi tjetër nga organet e drejtësisë.
Njoftimi i plotë:
Antidroga e PK-së me operacione të vazhdueshme në parandalimin dhe luftimin e dukurisë së abuzimit me substanca narkotike, konfiskohet drogë dhe arrestohen persona të përfshirë në aktivitete të kundërligjshmePolica e Kosovës, Drejtoria për Hetimin e Trafikimit me Narkotik me të gjitha njësitet tjera policore prioritet të punës kanë ruajtjen e rendit dhe garantimin e sigurisë së përgjithshme për qytetarët, si dhe mbeten të përkushtuar në parandalimin e luftimin e të gjitha veprave penale.
Në këtë fushëveprim, luftë e pa kompromis do të zhvillohet kundër trafikantëve dhe abuzuesve me substanca narkotike që cenojnë shoqërinë tonë, e në veçanti atyre që rrezikojnë shëndetin e të rinjve tanë.Policia e Kosovës, konkretisht njësia e antidrogës në Prishtinë paraprakisht kanë pranuar informata relevante se i dyshuari m/k me iniciale (L.H.) është duke u marr me aktivitete të kundërligjshme/shitblerje të substancave narkotike të llojeve të ndryshme, kryesisht në qytetin e Prishtinës.
Pas një pune hetimore dhe operative gati njëmujore në teren, antidroga e PK-së, dje më datë 16.12.2023, rreth orës 20:00, ka realizuar një plan taktik policor, me ç ‘rast është ndaluar dhe arrestuar i dyshuari i lartcekur me iniciale dhe gjatë operacionit të bastisjeve në trup dhe lokacionet e të dyshuarit është gjetur dhe konfiskuar sasi e konsiderueshme e substancave të ndryshme narkotike si: kokainë, ekstazi, hashash, marihuanë, disa qese plastike, para të gatshme, dhe pajisje tjera.I dyshuari me urdhër të prokurorit është dërguar në mbajtje, përderisa njësitet kompetente dhe ato të forenzikës rajonale në Prishtinë kanë kryer proceduarat e vend shikimit, fotografimin dhe evidentimin e provave materiale për procedurë të mëtejme hetimore.
Gjithashtu me 16.12.2023, rreth orës 21:30, Policia e Kosovës përmes veprimeve operacionale taktike ka identifikuar dhe arrestuar edhe dy persona të tjerë nën dyshimin për “posedim dhe shitje të pa autorizuar të narkotikëve” është konfiskuar një sasi e drogës, dy peshore digjitale, dhe një çantë me qindra lloje të ndryshme për paketim të narkotikëve, ndërsa të dyshuarit janë derguar në mbajtje me urdhër të prokurorit.
