Presidentja e Kosovës, Vjosa Osmani e ka quajtur ditë historike anëtarësimin e Suedisë në NATO, teksa ka publikuar pamje duke ngre dolli në ambasadën suedeze në vendin tonë.
Osmani ka thënë se “së bashku me ambasadorin e Suedisë në Kosovë, Jonas Westerlund, miq e aleatë të tjerë, ne po festojmë këtë ditë historike pasi Suedia iu bashkua NATO-s zyrtarisht”.
“Ky hap i rëndësishëm përpara forcon jo vetëm sigurinë e Suedisë, por edhe strukturën e paqes dhe sigurisë evropiane”, ka shkruar Osmani në platformën X.
Suedia është bërë anëtarja e 32-të e NATO-s zyrtarisht, pasi e kompletoi procesin e anëtarësim të enjten në Shtetet e Bashkuara.
Dorëzimi i dokumenteve u bë gjatë një ceremonie në Uashington, dy vjet pasi Suedia aplikoi për t’iu bashkuar aleancës ushtarake, menjëherë pasi Rusia e nisi pushtimin e Ukrainës.
Kryeministri i Suedisë, Ulf Kristersson, tha se “uniteti dhe solidariteti” do të jenë “frymëzuesit” e Suedisë.
Together with @AmbSwedenKosovo Westerlund and other friends & allies, we’re celebrating this landmark day as Sweden formally joins NATO.
— Vjosa Osmani (@VjosaOsmaniPRKS) March 7, 2024
This significant leap forward strengthens not just the security of Sweden but also the fabric of European peace & security.
Grattis, Sverige! pic.twitter.com/iH65tmdx9T
